விருதுநகர் சிறப்புக் கூட்டம்
கடந்த 04.04.2014 அன்று மாலை விருது நகர் தலைமை அஞ்சலகத்தில் விருதுநகர் அஞ்சல் மூன்று மற்றும் அஞ்சல் நான்கு கிளைகளின் சிறப்புக் கூட்டம் அஞ்சல் மூன்று கோட்டத் தலைவர் தோழர். M . தாமோதரன் , அஞ்சல் நான்கு கோட்டத் தலைவர் தோழர். M . சுப்பையா ஆகியோரது கூட்டுத் தலைமையில் சிறப்பாக நடைபெற்றது . கூட்டத்திற்கான ஏற்பாடுகளை அஞ்சல் மூன்றின் கோட்டச் செயலர் தோழர் M . மாரீஸ்வரன் அவர்களும் அஞ்சல் நான்கின் கோட்டச் செயலர் தோழர். M . சோலையப்பன் அவர்களும் சிறப்பாக செய்திருந்தனர்.
கூட்டத்தில் அஞ்சல் மூன்றின் மாநிலச் செயலர் தோழர்.J .R ., மாநிலத் தலைவர் தோழர். J . ஸ்ரீ வெங்கடேஷ் , அஞ்சல் நான்கின் மாநிலத் தலைவர் தோழர். G . கண்ணன் ஆகியோர் கலந்து கொண்டு இலாக்காவின் இன்றைய நிலை , நம்முடைய அகில இந்திய சங்கம், மற்றும் சம்மேளனம் எடுத்துள்ள நடவடிக்கைகள், ஏழாவது ஊதியக் குழு தொடர்பான எதிர்வரும் போராட்டங்கள் , மற்றும் மாநிலச் சங்கத்தின் செயல்பாடு குறித்து விரிவாக சிறப்புரை ஆற்றினர் .
கூட்டத்தின் அஞ்சல் நான்கின் மண்டலச் செயலர் தோழர் முருகேசன் , அருப்புக் கோட்டை கிளை அஞ்சல் மூன்றின் செயலர் தோழர். M . முருகன் ஆகியோர் கலந்து கொண்டு வாழ்த்திப் பேசினார் கூட்டத்தில் தல மட்ட பிரச்சினைகள் பல விவாதிக்கப் பட்டன . இதன் மீது உடன் உரிய நடவடிக்கை எடுக்கப்படும் என்று அஞ்சல் மூன்றின் மாநிலச் செயலர் உறுதியளித்தார்.
இறுதியில் நன்றி தெரிவித்து கோட்டச் செயலர் பேசும் போது , கடந்த 10 ஆண்டுகளுக்குப் பிறகு தற்போது மாநிலச் செயலர் மற்றும் மாநிலத் தலைவர் விருது நகர் கிளைக்கு வருகை புரிந்துள்ளனர் என்பது எங்களுக்கு மிகுந்த உற்சாகத்தை ஏற்படுத்துகிறது . இந்த நிலை தொடர வேண்டும் என்று வேண்டுகோள் விடுத்தார்.
நிச்சயம் நமது மாநிலச் சங்கம் எந்தவித பாகுபாடும் இன்றி அனைத்து கோட்ட/ கிளைகளையும் ஒன்றாக மதித்து அவர்களின் பிரச்சினையில் தன்னை ஈடுபடுத்திக் கொள்ளும் . தீர்த்துவைத்திட போராடும் என்பதை மாநிலச் செயலர் உறுதியாகத் தெரிவித்தார். கூட்டம் இரவு சுமார் 09.30 மணியளவில் இனிதே முடிவுற்றது. சுறுசுறுப்பாகச் செயல்படும் விருதுநகர் இளைய தோழர்களுக்கு, குறிப்பாக , விருதுநகர் கோட்டச் செயலர் தோழர் . மாரீஸ்வரன் அவர்களுக்கு நம் மாநிலச் சங்கத்தின் நெஞ்சார்ந்த வாழ்த்துக்கள் ! அவர் பணி சிறக்கட்டும் !
